Mještani Botuna postavili su danas šatore u znak protesta zbog najavljene izgradnje postrojenja za prečišćavanje otpadnih voda na području njihovog naselja. Poručuju da će ostati na terenu sve dok se građani ne izjasne na referendumu.
Jutros smo u 10 sati podigli ovaj šator. Pozivamo ministra prostornog planiranja, urbanizma i državne imovine Slavena Radunovića, koji dobro zna gdje je Botun i koji je dolazio kad su mu trebali glasovi, i on i Andrija Mandić. A sada, kad treba podrška u vezi ovog pitanja – nema ih. Ova lokacija, gdje su oni planirali da grade postrojenje, neće proći, rekao je mještanin Milan Raičković.
On dodaje da je „granica tamo gdje piše tabla Botun“.
Mještanin Boris Ćetković istakao je da će protesti trajati do izjašnjavanja građana:
Mi smo ovdje na straži dok ne bude referendum. Ako narod kaže da se pravi kolektor, nikakav problem, mi se povlačimo. Ali ako referendum bude na našoj strani, to je kraj, poručio je Ćetković.
ETOportal