Podgorica je jutros osvanula pod bijelim pokrivačem – prvi snijeg u ovoj zimi donio je osmijehe prolaznicima i nostalgiju onima koji se sjete starih zimskih dana. Snijeg je lagano prekrio ulice, krovove i parkove, a djeca su odmah požurila da naprave prve snježne anđele i bacaju prve pahulje.
Podsjećamo se vremena kada je nakon prvih pahulja često u radijima i domovima svirala pjesma “Pada prvi snijeg” u izvedbi Suncokreta, i čini se da danas, dok grad polako miruje pod bijelim velom, sve izgleda upravo kao u toj pjesmi.
Iako su temperature niske i vožnja po gradu zahtijeva oprez, bijela zima donosi posebno veselje i osjećaj novog početka. Podgorica, makar na kratko, ponovo je postala mjesto dječje igre, smijeha i zimske čarolije.
ETOportal/Nataša Goleš