Obraćanjem redakciji, vrhunski sportista Dragoljub Kopitović iznio je svoje stavove, a ETOportal podržavajući u potpunosti njegovo saopštenje, objavljuje u integralnom obliku.
SAOPŠTENJE
Kao vrhunski sportisa, koji je čitav svoj život posvetio karateu i sportu u cjelini, izražavam punu podršku aktuelnom rukovodstvu Karate saveza Crne Gore.
Za vrijeme njegovog mandata karate sport je došao na sam vrh evropske i svjetske scene,a naši takmičari su ostvarili rezultate koji su Crnu Goru ponosno predstavljali širom svijeta.
Ipak, poslednjih dana svjedoci smo da je jedna grupa ljudi i pojedinih klubova pokušava na prljav način da uruši sve ono što je mukotpno građeno – siste, rezultat i ugled Karate saveza Crne Gore. Ta ista grupa je navikla da rovari unutar Saveza, da se vodi ličnim interesima, a ne interesima sporta.
Takvima ne odgovara rad, red, disciplina i uspjeh, je su navikli da se, kao nekada, Savez vodi po principu“ujak i sestrić“, gdje se odluke donose mimo sportskih kriterijuma i u korist uskih krugova moći. Tome je, međutim došao kraj.
Za vrijeme sadašnjeg rukovodstva Karate savez je postao primjer profesionalizma,sportskog duha i zajedništva. Napravljeni su istrorijski rezultati, a Crna Gora je postala prepoznatljiva po vrhunskim karatistima i orgnizaciji sporta koja može da parira najboljima u Evropi.
Zato se pitamo – zašto nekome smeta uspjeh?
Zato što mnogi gledaju samo svoje lične interese, a ne rade u korist karate sporta i njegove budućnosti.
Kod nas se sve može oprostiti – ali uspjeh nikako.
Predsjednik Saveza Predrag Perković, iako vrhunski sportista i čovjek koji je pokazao izuzetne rezultate u organizaciji i afirmaciji karate sporta, nije podlegao pritiscima pojedinaca koji žele da trguju funkcijama i zadrže kontrolu nad sportom zarad ličnih interesa.
Umjesto da zajedno gradimo jači i uspješniji istem, oni pokušavaju da uruše ono što je postignuto i vrate Savez unazad.
Karate sport i njegovi uspjesi pripadaju svima nama,sportistima,trenrima i klubovima, a ne intersnim grupama. Vrijeme je da se prestane sa podjelama i ličnim obračunima, jer sport ne poznaje mržnju,nego rad, poštovanje i rezultat.
Pozivam sve iskrene sportiste, trenere i klubove da zajednički čuvamo dostojanstvo karate sporta i gradimo budućnost na poštenim, profesionalni i transparentnim osnovama
Dragoljub Kopitović – Vrhunski sportisa
ETOportal/Redakcija