Slani mafini sa sirom i šunkom odličan su izbor za doručak, večeru ili posluženje gostima. Mekani, mirisni i jednostavni za pripremu, gotovi su za svega pola sata, a uz nekoliko sastojaka koje već imate u kuhinji dobićete ukusne zalogaje kojima je teško odoljeti.
Sastojci:
- 2 jajeta
- 200 ml jogurta
- 100 ml ulja
- 250 g brašna
- 1 prašak za pecivo
- 150 g šunke
- 150 g feta ili drugog sira
- 100 g rendanog kačkavalja
- 2 kašike kisele pavlake
- Malo soli
- Prstohvat origana
Priprema:
- U većoj posudi umutite jaja, pa dodajte jogurt, ulje i kiselu pavlaku. Sve dobro sjedinite.
- Dodajte brašno pomiješano sa praškom za pecivo i malo soli, pa promiješajte dok ne dobijete ujednačenu smjesu.
- Šunku isjeckajte na sitne kockice, sir izmrvite, a kačkavalj narendajte.
- Sve dodajte u smjesu, ubacite malo origana i lagano promiješajte.
- Kalup za mafine obložite papirnim korpicama ili ga premažite uljem. Smjesu rasporedite tako da svaku korpicu napunite do otprilike dvije trećine.
- Pecite u prethodno zagrijanoj rerni na 180 stepeni oko 20–25 minuta, dok mafini ne porumene.
- Ostavite ih nekoliko minuta da se prohlade, pa poslužite.
MALI TRIK ZA JOŠ BOLJI UKUS
U smjesu možete dodati sitno sjeckanu crvenu papriku, masline ili mladi luk. Ako želite posebno mekane mafine, nemojte pretjerivati sa miješanjem nakon dodavanja brašna.
Najljepši su dok su još blago topli, uz jogurt ili kisjelo mlijeko.
ETOportal




