Adam Marušić postigao je treći gol u Seriji A ove sezone, dok je Lacio nastavio s odličnim izdanjima.
Rimljani su na “Olimpiku” lako savladali Moncu (5:1), a crnogorski reprezentativac otvorio je goleadu pogotkom glavom u 31. minutu.
Asistirao mu je Kasteljanos, koji je namjestio i gol Pedru za 2:0, prije nego što je u 63. minutu riješio pitanje pobjednika.
Do kraja su se još jednom upisali Pedro i Dele-Baširu, dok je jedini strijelac za goste bio Sensi iz penala.
Lacio je četvrti na tabeli, ima dva boda više od Juventusa te tri od Fiorentine, koja ima i meč manje od “nebesko-plavih”.
