Posebno uznemirujući detalji dolaze iz veterinarskih izvještaja, prema kojima su spašeni psi pronađeni u teškom zdravstvenom stanju, iscrpljeni, neuhranjeni i bez mogućnosti normalnog kretanja. Veterinari iz Vet Centar Crikvenica objavili su da je posljednji spašeni pas bio toliko iscrpljen da nije reagovao ni tokom medicinske obrade i liječenja rana. Životinje su, prema dostupnim informacijama, živjele u nehigijenskim uslovima, bez izlaska iz kuće i bez osnovne brige, dok su pojedini psi pronađeni sa deformisanim kandžama i ozbiljnim zdravstvenim problemima. Stručnjaci upozoravaju da dugotrajno zanemarivanje životinja nije samo pitanje nehumanosti, već ozbiljan oblik nasilja koji često ukazuje i na šire društvene i psihološke probleme.
Organizacije za zaštitu životinja sada širom regiona pokreću humanitarne akcije za pomoć spašenim psima i mačkama, prikupljajući hranu, ćebad, ljekove i privremeni smještaj. Stručnjaci za zaštitu životinja upozoravaju da je prevencija ključna i da građani moraju prijavljivati svaki slučaj zanemarivanja ili nasilja nad životinjama prije nego što posljedice postanu tragične. Psiholozi i aktivisti podsjećaju da odnos prema životinjama predstavlja važno ogledalo društva, te da tolerisanje zlostavljanja često vodi normalizaciji nasilja i prema ljudima. Upravo zato, poručuju stručnjaci, borba protiv mučenja životinja nije samo pitanje zaštite pasa i mačaka ,već pitanje osnovne humanosti i odgovornosti cijele zajednice.
ETOportal
