Iako je ove sezone ostao bez šanse za odbranu titule u Premijer ligi, Mančester siti još uvijek može do trofeja.
Ekipa Pepa Gvardiole izborila je plasman u finale FA kupa nakon pobjede nad Notingem forestom rezultatom 2:0 na „Vembliju“.
Već u 2. minutu Riko Luis je načeo mrežu „šumara“, dok je Joško Gvardiol početkom drugog poluvremena postavio konačan rezultat i praktično riješio pitanje finaliste.
Notingem je u nastavku imao nekoliko prilika da smanji zaostatak, ali „građani“ su sačuvali prednost i izborili šansu da spasu sezonu trofejom.
Mančester siti će 17. maja na istom stadionu igrati za pehar protiv Kristal Palasa.
