Arsenal je pretrpio prvi poraz u posljednjih 15 utakmica u Premijer ligi, a taj kiks protiv Vest Hema mogao bi označiti kraj snova „tobdžija“ o tituli prvaka Engleske. Tim sa Emiratesa je poražen rezultatom 1:0, a jedini gol na utakmici postigao je Bouven u 44. minutu.
Ovaj poraz dolazi u ključnom trenutku, jer bi Liverpul, ukoliko savlada Mančester Siti, mogao da poveća svoju prednost u odnosu na Arsenal na čak 11 bodova.
S druge strane, Totenhem je nastavio svoj pobjednički niz, upisavši treću uzastopnu pobjedu u Premijer ligi. Sparsi su lako slavili na gostovanju Ipsviču rezultatom 4:1, a dvostruki strijelac bio je Džonson, dok su po jedan gol postigli Spens i Kuluševski.
Aston Vila je priredila preokret protiv Čelsija, koji je poveo golom Fernandesa u 9. minutu. Međutim, Vila nije odustala i uz golove Asensija i Rašforda došla do pobjede od 2:1.
